Enkeleda Trungu ndodhet në rrezik për jetën në spitalin e Traumës, pasi dje rrezikoi të mbytej në një pishinë që ndodhej në ambientet e një restoranti në Linzë.
Policia ka proceduar në gjendje të lirë 32-vjeçarin Orjolin Mete, i cili akuzohet se nuk i ka dhënë ndihmën në momentin e rrezikut Enkeleda Trungu, ndërsa është raportuar se të dy nuk dinin not.
Por pamjet e kamerave të sigurisë tregojnë një situatë që mund të jetë ndryshe nga sa pretendohet. Çifti duket teksa hyn në pishinë, ndërsa edhe pse vajza Enkeleda qëndron pranë 32-vjeçarit, dallohet teksa ajo zhytet herë pas here nën ujë. Deri sa në një moment nuk del më.
Pikërisht në këtë moment, kur Enkeleda fundoset në pishinë përpara syve të tij, Orjolin Mete ka dalë nga pishina, në dukje i pashqetësuar dhe duke ecur me ngadalë, për të shkuar te restoranti, ku edhe ka kërkuar ndihmën e stafit.
Ka qenë i gjithë stafi i restorantit që ka nxituar për te pishina duke bërë të mundur nxjerrjen e 25-vjeçares, e cila aktualisht ndodhet në reanimacionin e Traumës në Tiranë, në gjendje të rëndë për jetën.
Është e vështirë të përcaktohet nëse ka qenë 32-vjeçari ai që ka tentuar ta mbysë Enkeledën, por pamjet flasin qartë dhe hetuesit mund të hedhin më shumë dritë mbi rastin.
Administratori i restorantit, 52-vjeçari Ylli Hidri i cili është shpallur në kërkim për shkelje të rregullave, i kishte kërkuar çiftit të mos shkonin në pishinë, pasi ishte e mbyllur. Po ashtu edhe kamarieri që shikohet duke mbyllur çadrat në video, u ka kërkuar që të largohen pasi pishina ishte mbyllur.
Discussion about this post