Një ngjarje e rëndë ka ndodhur në Patra të Greqisë ku një vajzë e re, e infektuar me Covid-19, ka tentuar që t’i japë fund jetës duke u hedhur nga lartësia e një spitali.
Mediat greke shkruajnë se 34-vjeçarja u përpoq t’i japë fund jetës duke u hedhur mëngjesin e sotëm nga kati i parë i klinikës Covid në Spitalin e Patras , ku po trajtohej.
Sipas informacioneve, rreth orës 05:00 të mëngjesit, vajza ishte në repart me dy pacientë të tjerë femra, të cilët sapo kuptuan se çfarë kishte ndodhur, njoftuan menjëherë infermierët.
Sipas të dhënave paraprake, e reja ka pësuar fraktura në këmbën e majtë dhe do t’i nënshtrohet një operacioni në orët e ardhshme.
Mësohet se, 34-vjeçarja ishte në gjendje të rënduar shëndetësore, ndërsa arsyet që e çuan atë në këtë akt nuk janë bërë ende të ditura.
