Një ngjarje e rëndë është shënuar në Londër të Anglisë. Burime bëjnë me dije se një grup shqiptarësh janë përfshirë në një sherr me sende të forta e për pasojë një prej tyre ka ndërruar jetë, ndërsa vëllai i tij ndodhet në gjendje të rëndë shëndetësore.
Burime pranë gijotina.com bëjnë me dije se si pasojë e sherrit, ka humbur jetën një person, por për arsye hetimore, identiteti i tyre nuk është bërë ende me dije por, theksojmë se viktima dhe vëllai i tij i plagosur janë vëllezër me origjinë nga Burreli.
Fillimisht, nga burimet e policisë u deklarua se të dy vëllezërit kanë ndërruar jetë, por më vonë u deklarua nga familjarët se njëri prej tyre ndodhet në gjendje të rëndë shëndetësore.
Shkak i kësaj ngjarjeje të rëndë është bërë një “Shtëpi bari” në Angli ku dyshohet se janë përfshirë grupi i shqiptarëve.
Sherri ka agravuar, duke shkaktuar edhe të plagosur.
Por ajo që e bën më të rëndë këtë ngjarje është se si pasojë e pazareve të drogës është vrarë një person, konkretisht i riu nga Burreli.
Raportohet se njëri prej tyre humbi jetën ditën e djeshme pasi u transportua në spital. Ndërsa vëllai tjetër ndodhet në koma si pasojë e plagëve të rënda të marra në trup.
Pritet të zbardhen detaje të reja pas hetimeve në vendin e ngjarjes. Sakaq theksojmë se “shtëpitë e barit” janë kthyer në një strehë punësimi për emigrantët shqiptarë, kryesisht të rinjtë.
Discussion about this post