Një ngjarje e rëndë është regjistruar ditën e sotme në zonën e Novolit në Leçe të Italisë. Mësohet se një burrë ka masakruar me thikë bashkëshorten e tij, dhe më pas është gjetur edhe vetë i vdekur.
Mediat italiane bëjnë me dije se ngjarja ndodhi pak pas orës 2 të mëngjesit, ku 38-vjeçarja Donatella Miccoli dhe bashkëshorti i saj Matteo Verdesca, ndodheshin vetëm në shtëpi, pasi fëmijët i kishin dërguar tek gjyshërit.
Ngjarja ka ndodhur pasi çifti ishte kthyer në shtëpi pas një feste, ndërsa fqinjët kanë dëshmuar se fillimisht kanë dëgjuar grindje me zë të lartë, dhe më pas ulërima, pasi burri kishte qëlluar me thikë gruan.
Policia ka shkuar në vendngjarje dhe ka nisur kërkimet për burrin vrasës, i cili u gjet disa orë më vonë në një zonë të braktisur i vdekur, ku dyshohet t’i ketë dhënë fund jetës.
Discussion about this post