Një grua dyshohet se është goditur për vdekje me sëpatë këtë të premte në mëngjes nga bashkëshorti i saj 70-vjeçar. Policia njofton se rreth orës 04:40 ka gjetur trupin e pajetë të 63-vjeçares në shtëpinë e çiftit në rrugën “Mark Isaku” në Prishtinë.
Pas ngjarjes, shtetasi me iniciale I.G. është vetëdorëzuar në polici duke pranuar krimin e rëndë. Ende nuk dihet shkaku i ngjarjes.
Lexo edhe: Braçe tërhiqet nga politika? Ja paralajmërimi i deputetit
Njoftimi i policisë:
Sot rreth orës 04:40 kemi pranuar informatën për një trup të pa jetë në një shtëpi në rrugën “Mark Isaku” në Prishtinë.
Bazuar në hetimin preliminar si dhe ekzaminimin e vendit të ngjarjes me urdhër të prokurorit të shtetit, rasti është cilësuar vrasje e rëndë.
Lidhur me rastin është vetëdorzuar një person i dyshuar: I. G, mashkull 70 vjeç.
Personi i dyshuar me urdhër të prokurorit të shtetit, është intervistuar dhe i njëjti është dërguar në qendrën e ndalimit, ndërkohë që trupi i pajetë i viktimës, femër 63 vjeç, është dërguar në Institutin e Mjekësisë Ligjore për obduksion.
Discussion about this post