Një rast tjetër përdhunimi është raportuar në Kosovë ku një mashkull ka sulmuar seksualisht në automjetin e tij një grua në Vushtrri.
Sipas njoftimit të policisë, pas denoncimit të së resë dhe marrjes së dëshmisë së saj, autori i dyshuar është dërguar në paraburgim ndërkohë që vijojnë hetimet për zbardhjen e ngjarjes.
“SULM SEKSUAL/Vushtrri 11.10.2022-11:30 – 11:55. Është arrestuar i dyshuari mashkull kosovar, nën dyshimin se i njëjti, në automjetin tij ka sulmuar seksualisht viktimën femër kosovare. Palët janë intervistuar dhe me vendim të prokurorit, i dyshuari është dërguar në qeli,” thuhet në njoftimin e policisë.
Ky është rasti i disatë i përdhunimit të të miturve dhe grave në Kosovë ku vetëm pak javë më parë përdhunimi i një 11-vjeçareje në një park në Prishtinë nga 5 burra për rreth 7 orë shkaktoi indinjatë në të gjithë vendin duke ngritur protesta në Prishtinë, Tiranë dhe Shkup.
Discussion about this post