Një 18-vjeçare ka mbetur e pajetë ditën e sotme në Malin e zi. E reja dyshohet të jetë vrarë nga ish i dashuri i saj dhe gjatë sulmit ka mbetur e pajetë edhe gjyshja e saj që ndodhej në shtëpi.
Sipas informacioneve, bëhet me dije se ajo ndërroi jetë në vend bashkë me gjyshen ndërsa babai i saj është plagosur. Asnjë media e Malit të Zi deri më tani nuk ka reaguar për këtë vrasje makabër ndërsa Instagram dhe Facebook po gëlojnë me reagime dhe thirrje për të kapur vrasësin.
Reagimet për këtë ngjarje të rëndë kanë qenë të shumta, ndërsa në rrjete sociale po qarkullon fotografia e Sheila Bakijës, e një mesazh i shkruar për të por në vetën e parë.
“Emri im është Shejla Bakija, shqiptare nga Mali i zi. Dje isha vetëm 18 vjeçe kur më vranë. Vrasësi vrapon ende i lirë, ai më mori jetën në lule të rinisë. Ndaj më ndihmoni ta kapim atë përbindësh që erdhi në mes të shtëpisë duke më marrë jetën mua, gjyshes time dhe duke plagosur babanë tim,”-shkruhet në rrjet për të.
Është e paqartë arsyeja përse 18-vjecarja ka rënë viktimë e ish-bashkëshortit të saj, ndërkohë që të pakta janë mediat që e kanë raportuar ngjarjen.
