Një ngjarje e rëndë është regjistruar në Elbasan, ku një qytetar ka gjetur vdekjen pranë banesës së tij, mesditën e sotme. Burime nga policia bëjnë me dije se viktima është Xh. B., 65 vjeç.
65-vjeçari ka humbur jetën në lagjen “Dyli Haxhire”, pranë banesës së tij. Sipas policisë, nga këqyrja paraprake nuk janë konstatuar shenja dhune, ndërsa dyshohet se vdekja ka ardhur nga shkaqe natyrale.
“Më datë 03.02.2022, rreth orës 11:50, në lagjen “Dyli Haxhire” Elbasan, ka gjetur vdekjen pranë banesës së tij, shtetasi Xh. B., 65 vjeç. Nga këqyrja paraprake nuk janë konstatuar shenja dhune. Dyshohet se vdekja ka ardhur nga shkaqe natyrale. Grupi hetimor po punon për sqarimin e rrethanave të ngjarjes”, thuhet në njoftimin e policisë.
Discussion about this post