Një tjetër rast i rëndë i dhunës në familje është shënuar në Fier. Burime nga policia bëjnë me dije se një i ri ka rënë në prangat e policisë pasi akuzohet se ka ushtruar dhunë ndaj nënës së tij.
I arrestuari është identifikuar me iniciale R.M. 30 vjeç. I riu në fjalë do të japë llogari për veprën penale “Dhunë në familje”.
Një rast i ngjashëm është shënuar edhe në Durrës, vetëm një ditë më parë. Policia ka arrestuar një 45-vjeçar pasi ushtronte dhunë ndaj bashkëshortes së tij. Në pranga është vënë personi me inicialet E.Ll. banues në lagjen nr. 18 në Durrës. Policia shprehet se 45-vjeçari ushtronte dhunë psikologjike ndaj bashkëshortes.
Nga kontrolli në banesë, uniformat blu i gjetën një armë kallashnikov, një sasi municioni dhe një thikë dhe municion luftarak. Materialet hetimore i kaluan Prokurorisë pranë Gjykatës së Rrethit Gjyqësor Durrës për veprat penale: “Dhuna në familje”, “Mbajtja pa leje dhe prodhimi i armëve , armëve shpërthyese dhe i municionit” dhe “Prodhimi, mbajtja , blerja apo shitja pa leje e armeve te ftohta”.
Discussion about this post