Një influencere autraliane është vënë në prangat e policisë e akuzuar se ka helmuar me dashje vajzën e saj të mitur, me qëllim që të mblidhte donacione nga ndjekësit në internet. Ngjarja e pabesueshme ka ndodhur në Queensland, ku influencerja i jepte fëmijës 1-vjeçare ilaçe të paautorizuara duke i shkaktuar helmim. Më pas ajo i bënte video ku dhe vetë shfaqej e shqetësuar, dhe i publikonte në internet me anë të GoFundMe, ku kërkonte ndihmë nga ndjekësit.
Në këtë mënyrë ajo kishte mundur të siguronte 60,000 dollarë Australianë afërsisht 30,500 £! Në tetor të vitit të shkuar kur foshnja nuk ishte ndjerë vërtetë mirë dhe kishte shkuar në spital, mjekët ngritën alarmin për rastin dhe policia nisi një hetim ndaj 34-vjeçares.
Pas disa muaj hetimesh, ajo u akuzua për administrim helmi, material për shfrytëzimin e fëmijëve dhe mashtrim. Hetimet zbuluan gjithashtu se mes gushtit dhe tetorit, gruaja i kishte dhënë të bijës ilaçe pa miratim nga farmacitë.
Ajo bëri disa përpjekje për të marrë medikamentet e paautorizuara, duke pretenduar se do t’i përdorte për një të afërm të sëmurë që kishte në shtëpi. Tashmë gruaja pritet të dalë para Gjykatës së Magjistraturës në Brisbane të premten më 17 janar, teksa GoFundMe po bën përpjekje për të kthyer donacionet mbrapsht te dhuruesit.
Discussion about this post