E rëndë, kamioni përplas për vdekje 55-vjeçarin

Një ngjarje e rëndë është shënuar në Bulqizë këtë pasdite.

Një kamion ka përplasur për vdekje një 55-vjeçar. Ky i fundit ka qenë duke qëndruar në oborrin e shtëpisë.

Kamioni me gurë mësohet se ka rënë në banesën e burrit që ndërroi jetë.

“Në fshatin Shtushaj në Bulqizë, shtetasi A.T., 39 vjeç, duke ngarkuar automjetin e tij tip kamionçinë me gurë, nuk ka siguruar mirë automjetin dhe si pasojë automjeti ka rrëshkitur duke rënë në banesën e shtetasit I.D., rreth 55 vjeç.

Shtetasi I.D, në momentin e rënies së automjetit ndodhej në oborrin e banesës dhe për pasojë ka humbur jetën, pasi e ka goditur automjeti.

Drejtuesi i automjetit është shoqëruar në Komisariatin e Policisë Bulqizë për veprime të mëtejshme.

Grupi hetimor ndodhet në vendngjarje dhe po punon për zbardhjen e plotë të rrethanave të këtij aksidenti”, njofton policia.