Australiani Rohan Denis, dy herë kampion bote në çiklizëm në 2018-ën dhe 2019-ën, është arrestuar pasi akuzohet se ka vrarë bashkëshorten e tij, Melissa Dennis.
Sipas mediave Melissa Dennis vdiq nga plagët në spital pas një incidenti që ndodhi të shtunën mbrëma. Rohan Dennis, 33 vjeç u akuzua për shkaktimin e vdekjes nga drejtimi i rrezikshëm, ngjarje pa kujdesin e duhur dhe rrezikimi i jetës. Ai është liruar me kusht dhe do të paraqitet në Gjykatën e Magjistraturës së Adelaide më 13 mars për t’u përballur me akuzat.
ABC (Australian Broadcasting Corporation) raportoi fillimisht se shërbimet lokale të urgjencës u thirrën në një periferi në Medindie, Adelaide pas orës 20:00 të së shtunës pas raportimeve se një femër ishte goditur nga një shofer.
Media konfirmoi se gruaja pësoi lëndime të rënda dhe u dërgua në Spitalin Royal Adelaide për trajtim, por vdiq gjatë natës. Hoskins ishte 32 vjeç dhe nënë e dy fëmijëve. Ajo dhe Dennis u martuan në vitin 2018.
Hoskins ishte një çiklist profesionist shumë i suksesshëm, duke fituar tituj dhe gara si në rrugë ashtu edhe në pistë.
Discussion about this post