Një ngjarje e rëndë është regjistruar në një shkollë në Dimal, atje ku një mësuese pësoi një goditje në zemër, gjatë orës së mësimit, çka i shkaktoi edhe humbjen e jetës.
Etleva Gjoni, mësuese e anglishtes në shkollën Sali Gjuka, u dërgua në Tiranë për një trajtim më të specializuar, por pa mundur të mbijetojë.
Etleva ishte nënë e tre fëmijëve të mitur. Nxënësit, stafi i shkollës dhe drejtoria arsimore e qytetit kanë ndarë dedikimet e tyre prekëse në rrjetet sociale.
“Ky është një nga ato postimet që nuk do të donim të ndanim me ju.
E vështirë për ta besuar dhe e dhimbshme për ta pranuar se kolegia dhe mësuesja jonë e dashur Etleva Gjoni nuk do të jetë më midis nesh.
Jeta jote njerëzore edhe pse e shkurtër ka siguruar mbijetesën e personit tënd.
Na beso mike, errësira që ke lënë është shume e madhe.
Të qoftë dheu i lehtë!
U prehsh në paqe!”, shkruan stafi i shkollës.
Ndërkohë një tjetër mesazh prekës është ai i nxënësve për mësuesen e tyre.
“Presore si je?
Nuk do të pyes për detyrat e shtëpisë apo të ngrihem në mësim!
Dua të të them që do jesh gjithmon mësuesja ime e preferuar dhe do kesh një vend të vecantë në zemrat tona!
Shkolla do jetë bosh pa ty, pa buzëqeshjen tënde dhe shakat e tua! (Nxënësit e tu)”
Discussion about this post