Një aksident i rëndë ka ndodhur paraditen e kësaj të diele në Tiranë, ku një person ka humbur jetën pasi mjeti me të cilin po udhëtonte u përplas me një autobus.
Sipas njoftimit të policisë, drejtuesi i një motomjeti rreth 45 vjeç ka humbur jetën pasi është përplasur me autobusin e linjës së Shkozës.
“Më datë 24.04.2022, në Shkozë, një motomjet me drejtues ende të paidentifikuar, rreth 45 vjeç, është përplasur me autobusin e linjës së Shkozës, me drejtues shtetasin H. T., 60 vjeç”, njofton policia.
Pas përplasjes drejtuesi i motomjetit, ka ndërruar jetë në spital. Grupi hetimor ndodhet në vendngjarje dhe po punon për sqarimin e rrethanave të aksidentit.
Discussion about this post