Një ngjarje e rëndë është shënuar mëngjesin e kësaj të enjte. Mësohet se një grua 4 muajshe shtatzënë ka ndërruar jetë mbrëmjen e djeshme në spitalin e Infektivit në Tiranë. Lajmi i trishtë u bë i ditur mëngjesin e sotëm, ku sipas burimeve, gruaja rreth të 30-tave kishte disa ditë që kishte shfaqur komplikacione.
E reja banuese në Lezhë, kishte mbi 90% të mushkërive të prekura ndërsa në Infektiv ishte e shtruar në reanimacion prej 2 ditësh.
Gruaja nuk ka mundur që të fitojë dot betejën me Covid-19.
Kujtojmë se vetëm një ditë më parë Ministrja ka bërë të ditur gjendjen paraprake shëndetësore të gruas: Ndër pacientët në gjendje të rëndë në terapinë intensive, është edhe një grua 4-muajshe shtatzënë. Ndër të tjera ajo njoftoi se në total nga koronavirusi kishin humbur jetën 17 paciente.
