Një aksident ka ndodhur para disa minutash në afërsi të Unazës së madhe të Tiranës. Dy makina janë dëmtuar. Një automjet që vinte nga Elbasani ka dalë nga rruga.Siç shihet edhe nga pamjet e Gijotina.com, një nga mjetet është rrëzuar nga mbikalimi dhe ka rënë poshtë në autostradë. Ngjarja ka shkaktuar trafik.
19:18- Policia ka dhënë tjetër informacion për aksidentin tragjik të ndodhur pranë TEG. Blutë shprehen se një 24-vjeçar ka qenë shoferi i një mjeti “Audi” që ka ecur me shpejtësi shumë të lartë, ka thyer barrierat e ka rënë mbi makinën tjetër. Viktimat ishin në mjetin e tij.
Rreth orës 17:55, në rrethrrotullimin pranë qendrës tregtare “TEG”, ka ndodhur një aksident rrugor ku janë përfshire automjeti tip “Audi” dhe automjeti tip “Honda”.
Referuar mekanizmit dhe të dhënave paraprake dyshohet se automjeti tip “Audi” me drejtues shtetasin K. R., vjeç 24, ka qenë duke udhëtuar ne unazën lindore me drejtim levizje nga Farka per tek rrethrrotullimi pranë Teg, dhe pasi ka humbur kontrollin, duke thyer barrierat rrethuese te mbikalimit, ka përfunduar në autostradën Tiranë-Elbasan, duke aksidentuar automjetin tjetër tip “Honda”, me drejtues shtetasin me iniciale Q. K., rreth 60 vjeç.
Si pasojë e aksidentit rrugor kanë humbur jetën dy shtetase të pa identifikuara akoma, të cilat ishin pasagjere ne automjetin “Audi” si dhe ka mbetur i dëmtuar rëndë drejtuesi i këtij automjeti, si dhe shtetasit A. K., 51 vjeç, O. K, 24 dhe Q. K, rreth 60 vjeç, që udhetonin me automjetin tjetër, njofton policia.
19:00– Policia ka dalë me njoftim zyrtar në lidhje me aksidentin e rëndë të ndodhur pranë rrethrrotullimit të TEG.
Sipas bluve, dy femra kanë ndërruar jetë në këtë aksident, ndërsa tre të tjerë janë plagosur.
“Më datë 09.03.2023, rreth orës 18:05, shtetasi Q. K., duke drejtuar automjetin, në unazën lindore dyshohet se duke dalë për tek rrethrrotullimi i Tegut, ka humbur kontrollin mbi drejtimin e tij dhe automjeti ka dalë nga rruga dhe ka rënë nga mbikalimi, mbi kofanon e një automjeti tjetër.
Si pasojë kanë humbur jetën dy shtetase femra, si dhe janë dërguar në spital për ndihmë mjekësore shtetasit Q K., O. K., dhe K. R., të cilët ndodhen nën kujdesin e mjekëve.
Grupi hetimor ndodhet në vendngjarje dhe po punon për sqarimin e rrethanave të aksidentit.
Mbi rrethanat dhe shkaqet e aksidentit, pas përfundimit të këqyrjes së vendit të ngjarjes, dhe për gjendjen shëndetsore të të dëmtuarve në spital, do të keni njoftim në vijim”, tha policia.
18:52: Një vajzë rreth 25 vjeç ka ndërruar jetë në aksidentin e rëndë të kësaj të enjteje në Tiranë.
Ngjarja ka ndodhur në afërsi të rrethrrotullimit të Saukut, ku një makinë me shpejtësi tej normave të lejuara, që vinte nga Shkoza ka rënë nga mbikalim,i duke u përplasur me një tjetër automjet.
Për pasojë ka humbur jetën një 25 vjeçare, identiteti i së cilës ende nuk bëhet me dije ndërsa kanë mbetur të plagosur tre persona të tjerë, që ndodheshin në mjetin që ra nga mbikalimi.
18:20: Një grua ka vdekur si pasojë e aksidentit tepër të rëndë të shënuar sonte në autostradën Tiranë-Elbasan.
18:10 –Forca të shumta policie dhe autoambulanca janë nisur drejt vendit të ngjarjes. Një nga mjetet ka rënë nga mbikalimi. Mësohet paraprakisht se një person është në gjendje të rëndë për jetën. Dyshohet se ka viktima.
Discussion about this post