E rëndë në Divjakë/ Ishte braktisur nga gruaja e fëmijët, 70-vjeçari gjendet i vdekur në banesë

Një ngjarje e rëndë është shënuar në Divjakë. Burime bëjnë me dije se n jë i moshuar është gjendur pa shenja jete në banesën e tij.

Viktima është Jani Kutra, 70 vjeç, banues ne qytetin e Divjakës.

70 vjeçari jetonte prej disa vitesh vetëm, pasi gruaja dhe fëmijët jetojnë jashtë shtetit. Vdekja dyshohet për shkaqe natyrale.

Sipas burimeve, dyshohet se i ndjeri ka ditë që ka vdekur, pasi dëshmitarët thonë se nuk e kanë parë prej gati 10 ditësh. Ky është rasti i dytë, që brenda tri ditëve, të moshuar gjejnë vdekjen të vetmuar.

“Në datën 23 korrik u gjet pa shenja jete, nga kalimtarë të rastit, në kanalin buzë rrugës kryesore Çermë – Shkumbin – Divjakë shtetasi Reshit Leka i datëlindjes 09.04.1947, pa shenja dhune ne trup”, njofton policia për rastin tjetër.