E rëndë në Durrës, 3-vjeçarja bie nga kati i 7 i pallatit (Detajet)

Një ngjarje e rëndë ka ndodhur mbrëmjen e sotme në Durrës, ku një 3-vjeçare dyshohet se ka rënë aksidentalisht nga ballkoni.

Sipas raportimeve, e mitura ka rënë nga ballkoni i apartamentit në katin e shtatë, ku ishte së bashku me prindërit.

“Rreth orës 20:07, në lagjen nr. 13, dyshohet se aksidentalisht ka rënë nga ballkoni i apartamentit në kat të shtatë, ku ishte së bashku me prindërit e saj, një 3-vjeçare”, thuhet në njoftimin e policisë.

Si pasojë e dëmtimeve të marra, 3-vjeçarja po merr ndihmë mjekësore në spitalin rajonal të Durrësit dhe është në gjendje të rëndë shëndetësore.

Grupi hetimor po punon për sqarimin dhe dokumentimin me prova ligjore të rrethanave të ngjarjes.