Një ngjarje e rëndë ka ndodhur në Durrës. Mësohet se një vogëlushe është plagosur nga një statujë gjysmë e thyer, e cila i ka rënë përsipër teksa po bënte fotografi. Statujat e këngëtarëve John Lennon, Mick Jagger, Tina Turner dhe Bob Dylan që ndodhen në shëtitoren “Taulantia” të Durrësit, janë kthyer në një rrezik për qytetarët. Denoncimi për rastin konkret, është bërë nga njëri prej tyre. E vogla ka qenë duke bërë foto me një prej tyre dhe statuja i ka rënë sipër. Vajza ka përfunduar në spital siç shihet dhe në foto është plagosur.
Mesazhi i prindit:
Pershendetje, Duke i bere foto femijes i bie siper statuja gjysem e thyer. Femija me demtime ne koke dhe gjithe trupin. TMERR! Statujat janë vendosur për të dhënë idenë e lirisë te të rinjtë e viteve ’80 e cila kulmoi me eksodin e famshëm në drejtim të vendeve perëndimore. Një ditë më parë, ajo e Tina Turnes ishte ‘shkulur’ e gjitha, duke lënë pas vetëm takat e këngëtares.
Discussion about this post