Një ngjarje e rëndë është raportuar mëngjesin e sotëm në Elbasan. Burime zyrtare nga policia bëjnë me dije se një 3-vjeçar ka ndërruar jetë. I mituri është dërguar në spital nga familjarët pasi kishte temperaturë të lartë. Ndërsa burime të tjera bëjnë me dije se fillimisht ai mjekohej në shtëpi.
3-vjeçari A. I., nga fshati Kusarth është dërguar në gjendje të rëndë me urgjencë në Pediatrinë e spitalit të Elbasanit dhe është futur në oksigjen, ndërsa ishte prekur nga Pneumonia bilaterale.
Grupi hetimor ka kryer veprimet e para hetimore në vendngjarje dhe pritet ekspertiza mjeko-ligjore për përcaktimin e shkakut të humbjes së jetës.
Discussion about this post