Dy te rinj janë konfliktuar mes tyre pranë qendrës së qytetit te Elbasanit te “Rreth rrotullimi i 1 majit”. Për pasojë njëri prej tyre ka marrë plagë nga një thikë në fyt.
Policia pasi është informuar për ngjarjen është vënë në ndjekje të autorit, duke e arrestuar këtë të fundit. Dyshohet se plagosja ka ndodhur për motive të dobëta.
Vijojnë hetimet për këtë rast.
Njoftimi i policisë:
Në lagjen “28 Nëntori”, Elbasan, dyshohet se pas një konflikti të çastit për motive të dobëta, shtetasi P. R. 54 vjeç, banues në Elbasan, ka plagosur me mjet prerës (thikë), shtetasin F. Sh., 21 vjeç, banues në Elbasan, i cili ndodhet në spital, për ndihmë mjekësore.
Autori i dyshuar, shtetasi P. R. është lokalizuar dhe kapur brenda pak minutash, pas ngjarjes. Aktualisht ndodhet në ambientet e Policisë, për veprime të mëtejshme procedurale.
Grupi hetimor, nën drejtimin e Prokurorisë, vijon veprimet hetimore për zbardhjen e plotë të rrethanave të ngjarjes.
Discussion about this post