Një ngjarje e rëndë është raportuar mbrëmjen e sotme në Gjirokastër. Burime nga policia bëjnë me dije se një 63-vjeçar është gjetur i mbytur në një rezervuar në Dropull.
Të njejtat burime bëjnë me dije se, ngjarja ka ndodhur në afërsi të fshatit Pepel.
Viktima është identifikuar me iniciale V. K., 63 vjeç, banues në fshatin Vrisera, ndërsa nga këqyrja paraprake nuk konstatohen shenja dhune. Sakaq, grupi hetimor vijon punën për zbardhjen e plotë të kësaj ngjarje.
Pritet që ekspertiza mjekoligjore të zbulojë nëse i moshuari vuante nga probleme të shëndetit mendor.
Në vendngjarje ndodhet grupi hetimor dhe po punon për sqarimin e rrethanave të ngjarjes.
Discussion about this post