E rëndë në Greqi! 46-vjeçari shqiptar mbyt gruan e tij, çfarë deklaroi në polici

Një ngjarje e rëndë është shënuar në Greqi, ku një 40-vjeçar shqiptar ka mbytur me duar gruan e tij, 36 vjeçe në orët e para të mëngjesit të sotëm.

Sipas mediave greke, vrasja ndodhi në Lakoni të Greqisë, ku shqiptari debatoi me 36-vjeçaren dhe situata agravoi deri në vrasjen e saj.

Pas vrasjes, autori ka telefonuar i qetë policisë ku i ka treguar për ngjarjen. Kur forcat e policisë mbërritën në banesë e gjetën viktimën pa ndjenja, ku pasi është dërguar në spital, është konfirmuar edhe vdekja e saj.

Policia ende nuk ka dhënë detaje të reja për ngjarjen, pasi nuk dihet nëse çifti kishte fëmijë, apo nëse kanë pasur debate të mëparshme që kanë çuar burrin në ndërmarrjen e këtij veprimi ekstrem.