Një ngjarje e rëndë ka ndodhur mbrëmjen e djeshme në Kalkidë të Greqisë, ku një 54-vjeccar me origjinë shqiptare plagosi rëndë gruan pas një sherri në familje.
Mediat greke shkruajnë se episodi i dhunës në familje ndodhi në një apartament në katin e dytë të një pallati.
Fqinjët dëgjuan zhurmën dhe thirrën menjëherë policinë. Efektivët nxituan duke hyrë në katin e dytë të apartamentit, ndërsa gruan e gjetën në dysheme, të plagosur rëndë në kokë, e rrethuar nga një pellg gjaku.
Policia arrestoi menjëherë 54-vjeçarin, i cili nuk arriti të largohej nga vendi i ngjarjes. Gruaja është transportuar në spital në gjendje të rëndë për jetën.
