E rëndë në Greqi/ Prifti abuzonte seksualisht me vajzën 12-vjeçare

Një prift kalendarik 68-vjeçar në Salaminë është vënë në pranga mesditën e së dielës për akte seksuale me një vajzë tepër të mitur.

Siç rezultoi nga hetimi i EL.AS-it, prifti 68-vjeçar ka qenë i njohur i babait të të miturës dhe duke përfituar nga njohja e tyre, ka vizituar shtëpinë e familjes kur prindërit nuk ndodheshin aty dhe ka kryer vazhdimisht akte seksuale ndaj 12- vjeç.

Duhet theksuar se kjo nuk është hera e parë që 68-vjeçari përfshihet në raste të tilla, pasi në të kaluarën është akuzuar për krime të ngjashme. Ai në vitin 2018 është akuzuar për akte seksuale ndaj një djali 13-vjeçar.

Sipas EL.AS., urdhër-arresti është lëshuar në bazë të dosjes dhe kallëzimit të paraqitur muajin e kaluar, sipas të cilit në një kohë të pacaktuar gjatë periudhës janar-qershor të këtij viti, i akuzuari ka kryer akte seksuale me një të mitur.

Në kontrollin e kryer në shtëpinë e tij dhe në vendin ku ai kryente detyrat fetare, u sekuestruan media dixhitale, përmbajtja e të cilave do të hetohet nga laboratorët e mjekësisë ligjore.

I arrestuari është dërguar në Prokurorinë e Pireut.