Një ngjarje e rëndë është shënuar në Kavajë. Burime policore bëjnë me dije se në fshatin Luz i Vogël, është gjetur E mbytur në pusin pranë banesës së saj një e moshuar.
Të njëjtat burime bëjnë me dije se 75-vjeçarja me iniciale L.X., është gjetur nga familjarët e saj.
Nga vëzhgimet paraprake, mësohet se e moshuara nuk kishte shenja dhune në trup dhe dyshohet se është vetëhedhur në pus.
Pritet që ekspertiza mjekoligjore të zbulojë nëse 75-vjeçarja vuante nga probleme të shëndetit mendor, ndërsa nuk dihet nëse jetonte vetëm apo me familjarët e saj në të njëjtën banesë.
Pritet të zbardhen detaje pas marrjes në pyetje të familjarëve të të moshuarës.
Grupi hetimor ndodhet në vendngjarje dhe po punon për sqarimin e rrethanave të ngjarjes.
Discussion about this post