E rëndë në Korçë! Hidhet nga kati i shtatë një person në Korçë, ndërron jetë (Emri)

Një ngjarje e rëndë ka ndodhur në qytetin e Korçës, ku një person hidhet nga kati i 7-të i pallatit në afërsi të pazarit të qytetit.

Mësohet se viktima është astrologu Jofiel Koço.

Sipas burimeve pranë vendit të ngjarjes, 53-vjeçari u ngjit në tarracën e pallatit ku banonte i vetëm dhe prej andej u hodh, duke rënë fillimisht mbi çatinë e një ndërtese fqinje dhe më pas në asfalt, ku humbi jetën në vend.

Koço, përveç se kishte një aktivitet të vogël tregtar me vajra automjetesh dhe produkte të tjera që shpërndante në dyqanet e qytetit, njihej edhe si astrolog. Ai ishte shpesh i pranishëm në emisione televizive ku interpretonte yjet.

Mësohet se ky shtetas ka ndërruar jetë menjëherë në vendngjarje, ndërsa nuk dihen ende rrethanat e aktit të rëndë, pasi ngjarja ka ndodhur pak më parë.

Policia ka mbërritur në vendin e ngjarjes për të hetuar lidhur me rastin.

Njoftimi i policisë:

Mëngjesin e sotëm, në lagjen nr.8, dyshohet se është vetëhedhur nga tarraca e katit të shtatë të një pallati, shtetasi J. K., 53 vjeç, i cili si pasojë e dëmtimeve ka humbur jetën.

Grupi hetimor po punon për sqarimin e rrethanave të rastit.