Një ngjarje tronditëse ka ndodhur në Kukës. Raportohet se në fshatin Kodër Lumë, një 75-vjeçar teksa po pastronte çiften ka qëlluar aksidentalisht një fëmijë 6 vjeç, të cilin e kishte fqinj.
Vogëlushi është dërguar për në spital dhe ndodhet nën kujdesin e mjekëve.
Njoftimi zyrtar i policisë
Në fshatin Kodër Lumë, shtetasi H. D., 75 vjeç dyshohet se aksidentalisht ka plagosur me armë gjahu çifte, një shtetas 6 vjeç (fqinji i tij), i cili ndodhet në spital, nën kujdesin e mjekëve.
Shërbimet e Policisë kanë kapur dhe shoqëruar në Komisariatin e Policisë Kukës, shtetasin H. D., për kryerjen e veprimeve procedurale.
Arma e gjahut çifte është sekuestruar në cilësinë e provës materiale. Grupi hetimor, nën drejtimin e Prokurorisë, po punon për sqarimin e rrethanave të ngjarjes.
Discussion about this post