E rëndë në Lezhë, babai monstër ngacmon seksualisht vajzën e tij të mitur

Një 55-vjeçar është arrestuar nga policia në Lezhë, pasi dyshohet se ka ngacmuar seksualisht vajzën e tij të mitur 14 vjeçe.

Ngjarja e rëndë ka ndodhur në lagjen “Gurra” të këtij qyteti, ndërsa sipas policisë akti ka ndodhur brenda në shtëpi.

“Specialistët e Seksionit për Hetimin e Krimeve të Komisariatit të Policisë Lezhë kanë arrestuar në flagrancë shtetasin B. B., 55 vjeç, banues në lagjen ‘Gurra’, Lezhë, pasi dyshohet se në banesë, ka ngacmuar seksualisht vajzën e tij të mitur, 14 vjeçe”, thuhet në njoftimin e policisë.

Rasti është referuar menjëherë në Prokurori dhe materialet procedurale janë dërguar në Gjykatën e Shkallës së Parë të Juridiksionit të Përgjithshëm Lezhë për vijimin e mëtejshëm të veprimeve ligjore.