E rëndë në Lezhë/ Ishte duke luajtur, 13- vjeçarja bie nga kati i tretë, në gjendje kritike për jetën

Një ngjarje e rëndë është shënuar mbrëmjen e sotme në Lezhë. Burime bëjnë me dije se një vajzë 13-vjeçare ka rënë nga dritarja e katit të tretë.

E mitura ka qenë duke luajtur dhe aksidentalisht ka rënë nga kati i tretë i pallatit ku jetonte pranë rrugës së “Shtrusit”. Ajo është dërguar në spitalin e Lezhës dhe po merr ndihmën e nevojshme mjekësore.

Paraprakisht raportohet se e mitura ka dëme të mëdha në kokë e trup dhe ndodhet në gjendje të rëndë për jetën. Policia ka rrethuar zonën dhe po merr në pyetje familjarët për të zbardhur rrethanat e ngjarjes.