Një ngjarje e rëndë ka ndodhur këtë të hënë në Llogara, ku një person ka humbur jetën pasi makina në të cilën ndodhej u përfshi nga flakët.
Ende nuk dihen rrethanat që çuan në këtë tragjedi.
Ekipet e Zjarrfikësve ndodhen në vendngjarje dhe po punojnë për shuarjen e flakëve dhe sigurimin e zonës.
Informacione të mëtejshme priten nga autoritetet për zbardhjen e plotë të ngjarjes.
Vlorë/Informacion paraprak
Rreth orës 14:35, pas një njoftimi të marrë në sallën operative të DVP Vlorë, shërbimet e Policisë janë nisur drejt vendit të quajtur “Qafa e Llogarasë”, ku kanë konstatuar një automjet duke u djegur. Brenda automjetit dyshohet se si pasojë e zjarrit, ka humbur jetën dhe është djegur një shtetas ende i paidentifikuar, në sediljen e drejtuesit të mjetit.
Grupi hetimor ndodhet në vendngjarje dhe vijon punën për identifikimin e viktimës dhe për zbardhjen e plotë të rrethanave të kësaj ngjarjeje.
Discussion about this post