E rëndë në Lushnje, 17-vjeçarja qëllon me thikë vëllain e saj

Një ngjarje e rëndë ka ndodhur ditën e djeshme në Lushnje, ku një vajzë e mitur ka qëlluar me thikë vëllain e saj 18-vjeç. Mësohet se menjëherë pas ngjarjes policia ka proceduar penalisht vajzën 17-vjeçare dhe të emën e saj. Ndërkaq 18-vjeçari ndodhet në spital nën kujdesin e mjekëve.
“Lushnjë/Specialistët për Hetimin e Krimeve në Komisariatin e Policisë Lushnjë referuan materialet në Prokurori dhe nisën procedimin penal për shtetasen V. U., 46 vjeçe, banuese në Lushnjë, dhe vajzën e saj të mitur 17 vjeçe, pasi ditën e djeshme, dyshohet se vajza e mitur ka goditur me mjet prerës vëllanë e saj, 18 vjeç, i cili ndodhet në spital, nën kujdesin e mjekëve, si edhe të dyja nuk i janë bindur urdhrit të punonjësve të Policisë, për shoqërimin e tyre në komisariat.”-njofton policia.