Një incident i rëndë është shënuar në Memaliaj. Dy elektricistë kanë rënë në kontakt me rrymën elektrike teksa punonin për riparimin e linjës elektrike në fshatin Çërrilë. Burime bëjnë me dije se ngjarja ka ndodhur rreth orës 11:00, kur policia është njoftuar se në fshatin Çërrilë, Memaliaj, punonjësit e OSHEE-së të identifikuar me iniciale A. H., 55 vjeç dhe A. M., 54 vjeç banues në Çërrilë, duke punuar në një shtyllë tensioni për të riparuar linjën elektrike, kanë rënë në kontakt me rrymën elektrike.
Për pasojë personi i identifikuar me iniciale A. M., është dëmtuar rëndë, i cili u transportua për në spitalin Gjirokastër dhe A. H. ka marrë dëmtime të lehta.
Grupi hetimor po kryen veprimet e mëtejshme hetimore për sqarimin e rrethanave të ngjarjes.
Discussion about this post