Arresohet një efektiv policie i ekipit të DIAS në Greqi. Dyshohet se ai ka qëlluar me armë një 16-vjeçar. Adoleshenti po i jepte makinës teksa u ndoq nga uniformat blu.
Punonjësi i policisë është ndaluar me urdhër të prokurorit dhe pritet të dalë para Gjykatës së Selanikut.
Sipas informacioneve gjithçka ka nisur kur 16-vjeçari ka shkuar në një pikë karburanti në rrugën Monastriou në Selanik , rreth orës 01:00 dhe pasi ka furnizuar mjetin me 20 euro benzinë , është larguar pa paguar. Menjëherë është bërë denoncimi në polici dhe automjeti është pikasur nga makina e patrullës në Symachiki Odos. Pas një ndjekjeje, 16-vjeçari pasi nuk u ndal në sinjalizimet e policisë, tentoi të përplaste makinën e patrullës dhe në tentativën e tij ai u përplas me një mur.
Informacionet thonë se 16-vjeçari ka tentuar katër herë të përplasë makinën e patrullës dhe në ndjekje ka marrë pjesë edhe ekipi i DIAS-it. Në fakt, efektivi i policisë së Ekipit të DIA-s, sipas EL.AS., ka qëlluar katër herë për të ndaluar makinën, për pasojë një plumb e ka goditur në kokë.
16-vjeçari ndodhet i shtruar në reanimacionin në spitalin Hipokrati pas një operacioni të gjatë dhe po lufton për të qëndruar në jetë.
Discussion about this post