Një ngjarje e rëndë është regjistruar në Shkodër, ku një person ka ndërruar jetë pasi është hedhur nga kati i dytë i banesës së tij.
Sipas njoftimit të policisë, ngjarja ka ndodhur në orët e para të mëngjesit, ku një 76-vjeçar është vetëhedhur nga dritarja e katit të dytë të banesës dhe për shkak të dëmtimeve ka ndërruar jetë në spital.
“Më datë 06.12.2021, rreth orës 04:00, është dërguar për ndihmë mjekësore në Spitalin Rajonal Shkodër, shtetasi Rr. C., 76 vjeç, banues në fshatin Dobraç, Shkodër, i cili ka pasur dëmtime në kokë. Ky shtetas dyshohet se është vetëhedhur nga dritarja e katit të dytë të banesës tij dhe për shkak të dëmtimeve ka ndërruar jetë në spital”, njofton policia.
Uniformat blu ndodhen në vendngjarje dhe po punojnë për zbardhjen e plotë të rrethanave të aksidentit.
Discussion about this post