E rëndë në Tiranë, 62-vjeçarja hidhet nga kati i gjashtë, vdes në vend

Një ngjarje e rëndë është shënuar në Tiranë.

Burime nga policia për gijotina.com bëjnë me dije se pasditen e sotme rreth rreth orës 18:00, në rrugën “Sitki Çiço”, dyshohet se është hedhur nga kati i gjashtë i pallatit ku banonte, 62- vjeçarja e identifikuar me iniciale V. B., e cila për pasojë ka ndërruar jetë.

Nuk dihet ende nëse ngjarja e rëndë ka ndodhur në prani të familjarëve, të cilët pritet të merren në pyetje nga policia e Tiranës. Sakaq, nuk dihet ende nëse ka patur dëshmitarë të tjerë në aktin e rëndë që e moshuara mori pasditen e kësaj të hëne, duke u hedhur nga kati i gjashtë i banesës.

Grupi hetimor ndodhet në vendngjarje dhe po punon për sqarimin e rrethanave të ngjarjes.