E rëndë në Tiranë, mbesa gjen gjyshin të vdekur në shtëpi

Një ngjarje e rëndë është shënuar paraditen e sotme në Tiranë.

Burime nga policia për gijotina.com bëjnë me dije se një 59-vjeçar është gjetur i vdekur në banesë ditën e sotme në Tiranë.

Ka qenë ora rreth 13:45 kur në shtëpinë e 59-vjeçarit në Babrru ka shkuar mbesa që ka konstatuar gjyshin me inicialet Sh. Z. të vdekur. Jetonte i vetëm.

Policia njofton se nga këqyrja paraprake nuk janë konstatuar shenja dhune dhe dyshohet se vdekja mund të jetë shkaktuar nga shkaqe natyrore.

Grupi hetimor ndodhet në vendngjarje dhe po punon për sqarimin e rrethanave të ngjarjes.