E rëndë në Vlorë/ 4-vjeçari dërgohet pa shenja jete në spital, mister rrethanat e humbjes së jetës

Një ngjarje e rëndë raportohet të ketë ndodhur këtë të shtunë, në qytetin e Vlorës.

Një fëmijë 4-vjeçar është dërguar në spitalin e qytetit pa shenja jete. Sipas raportimeve familja e 4-vjeçarit e cila jeton në Palasë, e ka dërguar me urgjencë deri në Orikum dhe prej aty, ambulanca e Orikumit e ka marrë pa shenja jete.

Sipas informacioneve nga këqyrja paraprake, nuk janë konstatuar shenja dhune apo dëmtime të tjera, ndërsa thuhet se fëmija ka qenë për një javë me simptoma temperature, të vjella e diarre.

Ndërkohë sipas informacioneve thuhet se i mituri ka konsumuar mjaltë dhe ky i fundit i ka bërë reaksion.

Mësohet se aktualisht spitali po zhvillon ekzaminime mjeko-ligjore, ndërsa prokuroria ka nisur hetimet për rastin.