E rëndë në Vlorë/ Vdes foshnja 5-ditëshe, merret nën hetim mjekja

Një ngjarje e rëndë ka ndodhur në spitalin e Vlorës, ku një foshnjë 5-ditëshe ka ndërruar jetë. Policia thotë se dyshohet për shkak të mjekimit të pakujdesshëm.

Burime zyrtare nga policia lokale kanë bërë të ditur se, në lidhje me këtë ngjarje kanë marrë nën hetim një mjeke të spitalit, e cila akuzohet për mjekim të pakujdesshëm.

Njoftimi i policisë

Komisariati i Policisë Vlorë referoi materialet në Prokurori dhe nisi procedimin penal për shtetasen I. C., 53 vjeçe, banuese në Vlorë, me profesion mjeke neonatologe në Maternitetin e Spitalit Rajonal Vlorë, e dyshuar për veprën penale “Mjekim i pakujdesshëm”, pasi më datë 04.10.2024, në këtë maternitet ka ndërruar jetë një foshnjë 5-ditësh, i lindur nga shtetasja S. H. Vijon puna nën drejtimin e Prokurorisë për zbardhjen dhe dokumentimin e plotë të shkakut të vdekjes së foshnjës dhe për përcaktimin e përgjegjësive ligjore.