Një shqiptar me emrin Caf Nikaj është vrarë me thikë ditën e djeshme në Itali nga një italian me emrin Lorenzo Rivani. Novaratoday.it shkruan se ndodhi në Valsesia të Italisë pranë një stacion nënkalimi të këmbësorëve, për një mosmarrëveshje.
Sherri dhe thika
Dinamika e asaj që ka ndodhur nuk është ende e qartë. Sipas detajeve të para të hetuesve Rivani dhe Caf, të cilët jetonin në të njëjtën ndërtesë në Valsesia kishin disa mosmarrëveshje për shkak të disa çështjeve që lidheshin me bashkëpronësinë. Ngjarja agravoi në sherr, nga i cili Rivani nxorri thikën dhe plagosi 59-vjeçarin.
Vdekja dhe arrestimi
Kushtet jetike të Caf Nikaj menjëherë iu dukën të rënda stafit të urgjencës, i cili ndërhyri në vend. Pavarësisht nxitimit për në spital dhe shtrimit në kujdesin intensiv, nuk kishte asgjë për të bërë. Ndërkohë, Rivani është dërguar në komisariat, ku është i arrestuar. Në këto orë hetuesit po e dëgjojnë atë dhe dëshmitarët për të sqaruar dinamikën e saktë të mgjarjes.
