E rëndë/ Pema bie mbi taksinë në lëvizje, ndërron jetë drejtuesi

Një ngjarje e rëndë ka ndodhur pak pas mesnate në Torino teksa stuhia përfshiu vendin.

Një person ka humbur jetën si pasojë e erës së fortë pasi një pemë ka rënë sipër makinës që ishte në lëvizje.

Zjarrfikësit kanë ndërhyrë dhe kanë tentuar të nxjerrin personat e ngecur brenda makinës së goditur nga pema. Viktima është një shofer taksie, Ezio Cauda, ​​56 vjeç.

Ndërkohë që me plagë të lehta ka arritur që të shpëtojë një vajzë e re, e cila ishte pasagjere në taksi.

Cauda, ​​baba i dy fëmijëve rreth 20 vjeç, kishte disa vite që ishte shofer taksie. Më para ai kishte punuar si teknik televizioni. Atij i pëlqente muzika dhe kishte qenë pjesë e një grupi gjatë viteve të kaluara.