Partizani ia doli që të bëjë kthesë në ndeshjen me Teutën, duke fituar me rezultatin 2-1 për takimin e vlefshëm të javës së 10 të Superligës.
Ndërsa në raundin tjetër ekipi i ‘Të kuqve’ të kryeqytetit do duhet të përballet me Skënderbeun, në një takim që pritet të jetë shumë sfidues, duke ditur rivalitetin që ekziston mes tyre.
Në këtë ndeshje trajneri Ilir Daja do të ketë një mungesë të rëndësishme, pasi një prej lojtarëve titullar, Albion Marku u dënua me karton të kuq në sfidën kundër Teutës, ndaj dhe nuk do të jetë i disponueshëm për takimin e radhës.
‘Të kuqtë’ vazhdojnë të kenë mungesën e Cardozo e Damçevksi të cilët janë të dëmtuar, ndërsa Hoxha është drejt rikuperimit.
Ndeshja midis Partizanit dhe Skënderbeut është planifikuar që të zhvillohet ditën e shtunë në orën 16:45./K.T/Gijotina.com
Discussion about this post