E rëndë/ Përmbyset anija, 11 emigrantë të vdekur

Të paktën 11 persona kanë vdekur dhe 31 u shpëtuan të enjten pasi një anije u përmbys pranë Porto Rikos, tha një zyrtar i Rojës Bregdetare të SHBA.

Një ekuipazh ajror i Doganës dhe Mbrojtjes së Kufirit të SHBA pa anijen me probleme dhe njerëz në ujë rreth 10 milje detare në veri të ishullit Desecheo, Porto Riko, tha Roja Bregdetare në një njoftim për shtyp.

Ekuipazhet ishin në gjendje të nxirrnin 31 të mbijetuar nga uji, por operacioni i kërkim-shpëtimit është në vazhdim, njoftoi agjencia. Doganat dhe Mbrojtja Kufitare e SHBA-së dhe policia Portorikane janë gjithashtu në vendngjarje. Kombësia e emigrantëve të dyshuar nuk dihet.