Një aksident i rëndë ka ndodhur në ishullin e Kretës në Greqi, ku një makinë më 17 emigrantë të paligjshëm ka dalë nga rruga e për pasojë është përmbysur.
Si rrjedhojë ka ndërruar jetë një pasagjerë, ndërsa 16 të tjerët janë lënduar. Mediat greke raportojnë se aksidenti ndodhi, pasi shoferi gjeorgjian rriti shpejtësinë e mjetit, për t’iu shmangur policisë, pasi kjo e fundit i bëri sinjal të ndalonte. Pas përplasjes, i plagosur lehtë, ai tentoi të arratisej në këmbë por u kap.
16 emigrantët e tjerë, u dërguan në spitalet aty pranë për kontroll. Mësohet se ata ishin sirianë, ndërkaq identiteti i viktimës nuk u bë i ditur.
Në të njëjtën kohë, policia greke ndaloi edhe një automjet me katër emigrantë dhe një tjetër me tre persona që nuk ishin emigrantë që me sa duket shoqëronin dy automjetet e tjera. Të tre, si dhe drejtuesi i mjetit tjetër janë arrestuar, tha policia greke.
Discussion about this post