Mesditën e sotme ka ndërruar jetë një futbollist 16-vjeçar në Greqi. Sipas mediave vendase, bëhet me dije se adoleshenti nuk u ndje mirë gjatë ndeshjes dhe ka dalë nga fusha ku edhe ka marrë shërbimin e parë, por pas dërgimit në spitalin e Patras nuk ia ka dalë.
Adoleshenti luante me skuadrën e Panaitolikos, ndërsa dha frymën e fundit në spitalin “Shën Andrea” të Patras. Mjekët i dhanë familjarëve lajmin e hidhur mes dhimbjeve të mëdha.
Mjekët thanë paraprakisht se i riu kishte ndërruar jetë për shkak të një infarkti. Ky është rasti i dytë kur një futbollist ndërron jetë gjatë lojës në fushat e futbollit në Greqi. Pak javë më parë ndërroi jetë edhe një tjetër futbollist që luante më një skuadër të Athinës.
Discussion about this post