E rëndë/ Po përpiqej të ndalonte makinën që po ecte mbrapsht, 55-vjeçari përfundon nën goma

Një aksident i rëndë është shënuar në Greqi, ku një 55-vjeçar grek është shtypur nga makina e tij që po ecte mbrapsht. 55-vjeçari është transportuar menjëherë në spital me plagë të rënda.
Sipas mediave greke, 55-vjeçari kishte dalë nga makina për të marrë diçka në banesë, por kishte parë që mjeti ishte duke ecur mbrapsht. Ai ka tentuar që ta ndalojë atë duke e shtyrë, por për fat të keq është rrëzuar duke u aksidentuar rëndë dhe përfunduar nën gomat e tij.
Në vendngjarje ka mbërritur autoambulanca e EKAB-it, e cila e ka transportuar në spital.