Një aksident i rëndë ka ndodhur gjatë natës në zonën e Mallakastrës, ku një person ka ndërruar jetë pasi mjeti me të cilin po punonte është përmbysur.
Burimet bëjnë me dije se gjatë natës, në fshatin Mollaj, Ballsh, në një pikë të grumbullimit të inerteve, është rrëzuar mjeti tip “Man” me drejtues Ferdi Metushi, 59 vjeç, banues në Boçovë, i cili për pasojë ka ndërruar jetë.
Deri tani nuk dihen ende shkaqet e këtij aksidenti me pasoja fatale për jetën e drejtuesit të kamionit, ndërsa policia ka mbërritur në vendin e ngjarjes.
Discussion about this post