Një fëmijë ka pësuar lëndime të rënda, pasi që është rrëzuar në Klinikën e Pediatrisë në QKUK në Prishtinë.
Rrëzimi i tij ka ndodhur në shkallët e Klinikës së Pediatrisë, ku është dërguar për trajtim në emergjencë.
Zëdhënësi i policisë, Agron Borovci ka thënë se rasti ka ndodhur rreth orës 11:30.
“Rreth orës 11:30, është pranuar informata se një fëmijë është rrëzuar nga shkallët e një klinike në QKUK, dhe i njëjti ka marrë lëndime trupore. Aktualisht fëmijës është duke i’ u ofruar trajtimi i nevojshëm mjekësor në klinikën përkatëse, përderisa nga ana tjetër po trajtohen rrethanat e ngjarjes,’‘ ka thënë Borovci.
Ai ka shtuar se në kohën e rrëzimit fëmija nuk ka qenë i shtruar në klinikë por ka qenë me prindin e tij në vizitë të një familjari.
