Është shënuar viktima e para nga aksidenti i rëndë në lumin Shkumbin, ku një makinë e mbushur plot me pasagjerë ra në lum pasi shoferi humbi kontrollin. Mësohet se, viktima është një 17-vjeçare, identiteti i së cilës nuk është bërë i ditur.
Deri më tani janë nxjerrë nga mjeti 3 persona, 1 burrë, 1 grua dhe një fëmijë i moshës 9 vjeç. Vogëlushi ndodhet në gjendje të rënduar dhe është drejtuar për në Spitalin Nënë Tereza në kryeqytet, për t’iu nënshtruar një ndërhyrjeje. Sakaq, bëhet e ditur se ende ndodhen 2 persona të mbyllur brenda në makinë.
Sipas burimeve, shanset që ata të jenë ende gjallë janë të pakta, kjo pasi mjeti ndodhet 4 metra nën thellësinë e ujit dhe nxjerrja e tyre në një kohë të shpejtë është tepër e vështirë.
Discussion about this post