Një ngjarje e rëndë është shënuar mbrëmjen e sotme në fshatin Karmë në bashkinë e Vaut të Dejës. Roja i një lokali bar-kafe dhe një elektriçist dyshohet se se kanë rënë në kontakt me rrymën elektrike, në ambientet e jashtme të lokalit.
Si pasojë, Sokol Preka, i cili punonte si roje në lokalin bar-kafe, në pronësi të shtetasit Gj. S, ka humbur jetën gjatë transportimit për në spital.
Ndërsa David Deda, elektriçist ndodhet në gjendje të rëndë shëndetësore.
Mbetet ende e paqartë rrethanat e ngjarjes, ndërsa grupi hetimor, nën drejtimin e Prokurorisë, po punon për sqarimin e plotë të rrethanave të ngjarjes.
Vau i Dejës/Informacion paraprak
Në fshatin Karmë, shtetasi S. P., 40 vjeç, roje i një lokali bar-kafe, në pronësi të shtetasit Gj. S., dhe shtetasi D. D., 46 vjeç, elektricist, dyshohet se kanë rënë në kontakt me rrymën elektrike, në ambientet e jashtme të lokalit.
Si pasojë, shtetasi S. P. ka humbur jetën gjatë transportimit për në spital, ndërsa shtetasi D. D. ndodhet në gjendje të rëndë shëndetësore.
Grupi hetimor, nën drejtimin e Prokurorisë, po punon për sqarimin e plotë të rrethanave të ngjarjes.
Discussion about this post